Симуляциялық орталық. Алғашқы медициналық көмек көрсету  бойынша курстар

            Симуляциялық оқыту - бұл әртүрлі өмірлік жағдайларда шұғыл көмек көрсету, сондай-ақ симуляциялық жабдықтардың (манекендер, ABD муляждары және т.б.) көмегімен білім мен дағдыларды алу.

Көп жағдайда  адамдар  дұрыс көрсетілмеген алғашқы көмек салдарынан немесе тіптен көрсетілмей қалған көмек салдарынан зардап шегіп, ауыр жағдайда көз жұмып жатады. Орталықтың мақсаты медициналық қызметкерлерді және қарапайым  тұрғындарды шұғыл жағдайда кәсіби түрде дәрігерге дейінгі алғашқы көмекті көрсетуді үйрету болып табылады.

 

Медициналық қызметкерлерді кәсіби қайта даярлау

            Соңғы кездері медициналық қызметкерлердің  және медициналық білімі жоқ қызметкерлердің  (парамедиктер) біліктілігін арттыру үлкен сұранысқа ие.   Өндірістің түрлі саласы, құрылыс,  ірі және орта бизнес  өкілдері қауіпсіздік техникасын сақтау бойынша білімдерін шыңдауда.  Осы тұста елімізде соңғы жылдары дәрігерге дейінгі алғашқы көмек дағдыларына медициналық білімі жоқ қызметкерлерді (парамедиктерді) оқыту  мәселесі өзекті бола бастады. Себебі, дер кезінде  және дұрыс  кәсіби түрде көрсетілген алғашқы көмек   шұғыл жағдайда алған жарақат салдарын азайтып, немесе ауыр  жағдайда адамның өміріне араша болуға мүмкіндік береді.

«Астана» оқу-клиникалық орталығына қарасты   Симуляциялық орталық  шұғыл жағдайда  дәрігерге дейінгі алғашқы көмек көрсету дағдыларына  медициналық қызметкерлерді және медициналық білімі жоқ қызметкерлерді  даярлауды қамтамасыз етеді.  Орталық алдыңғы қатарлы симуляциялық  қондырғылармен жабдықталған.  Сондай-ақ, медициналық қызметкерлерге арнайы бағыт бойынша білім беру қызметін ұсынады.

            Оқытуды орталықтың жоғары білікті маман-нұсқаушылары жүргізеді, олар дәрігерлер мен орта медициналық қызметкерлердің біліктілігін арттыру бойынша симуляциялық курстарды енгізеді.